TEACHERS INFO

More

STUDENTS INFO

More

How do we Vote without Voter Id Card

How do we Vote without Voter Id Card. ఓటర్ ఐడి కార్డు లేకుండా ఎలా ఓటు వేయాలి.

11 కార్డుల్లో ఏదో ఒకటి చూపి ఓటేయొచ్చు.

భారత ఎన్నికల సంఘం ఆదేశానుసారం ఓటర్ల జాబితాలో పేరు ఉంటే ఓటు వేసేందుకు హక్కు ఉన్నప్పటికీ రుజువుగా రాష్ట్ర వ్యయంతో ఎన్నికల సంఘం సమకూర్చే ఓటరు ఫొటో గుర్తింపు కార్డు వినియోగంపై ఆ హక్కు ఆధారపడి ఉంటుందని కేంద్ర ఎన్నికల సంఘం ఎస్ఆర్ ముఖ్య కార్యదర్శి కె . ఎఫ్ విల్ఫ్రెడ్ ఒక ప్రకటనలో తెలిపారు .

2019 సార్వత్రిక ఎన్నికల్లో ఓటు వేయడానికి ఓటరు ఫొటో గుర్తింపు కార్డులు చూపాలి . ఓటరు గుర్తింపు కార్డు లేకపోతే ప్రత్యామ్నాయంగా 11 రకాల గుర్తింపు కార్డులను చూపి ఓటేయవచ్చని ఆయన పేర్కొన్నారు .

కార్డు లేని పక్షంలో ప్రత్యామ్నాయంగా . .
1 . పాస్ పోర్టు ,
2 . డ్రైవింగ్ లైసెన్సు ,
3 . రాష్ట్ర , కేంద్ర ప్రభుత్వాలు , పీయస్యూలు , పబ్లిక్ లిమిటెడ్ కంపెనీలు ఉద్యోగులకు జారీ చేసిన ఫొటోతో కూడిన సర్వీసు గుర్తింపు కార్డులు ,
4 . బ్యాంకులు , తపాలా కార్యాలయాలు , జారీ చేసిన ఫొటో గల పాస్ పుస్తకాలు ,
5 . పాన్ కార్డు ,
6 . ఎన్డీఆర్ కింద ఆర్జీఐ జారీ చేసిన స్మార్ట్ కార్డు ,
7 . మహాత్మగాంధీ జాతీయ గ్రామీణ ఉపాధి హామీ పథకం జాబ్ కార్డు ,
8 . కార్మిక మంత్రిత్వ శాఖ పథకం కింద . జారీ చేసిన ఆరోగ్య బీమా స్మార్ట్ కార్డు ,
9 . ఫొటోతో కూడిన పింఛను పత్రం ,
10 . ఎంపీలు , ఎమ్మెల్యేలు , ఎమ్మెల్సీలకు జారీ చేసిన అధికారిక గుర్తింపు కార్డులు ,
11 . ఆధార్ కార్డు చూపి ఓటేయవచ్చన్నారు .

ఓటు వేయడానికి ఓటరు వచ్చిన పోలింగ్ స్టేషన్ కు సంబంధించిన ఓటర్ల జాబితాలో కచ్చితంగా ఆ ఓటరు పేరు ఉండాలని తెలిపారు . ఎన్నికల జాబితాలో నమోదై విదేశాలలో నివసిస్తున్న ఓటర్లు వారి ఒరిజినల్ పాస్ పోర్టు ఆధారంగా మాత్రమే పోలింగ్ కేంద్రంలో తమ గుర్తింపును రుజువు చేసుకోవాలని ( ఏదేనీ ఇతర గుర్తింపు పత్రాన్ని చూపరాదని ) ఆయన ఒక ప్రకటనలో తెలిపారు.